Ardian Fullani ishte në qendër të mediave dhe opinionit publik disa muaj më parë, po aq sa ç’është sot deputeti Tom Doshi. Fullani për arsye se në Bankën e Shqipërisë ku ai ishte guvernator u vodhën rreth 7 milionë dollarë, ndërsa Doshi sepse ka deklaruar se donin ta vrisnin. Në kohën e skandalit të Bankës, Fullani mund të ketë qenë njeriu më i stresuar i Shqipërisë, sepse gjithë opinioni kërkonte të dinte pse u vodhën para në institucionin që ai drejtonte. E ndërkohë që çështja është ende nën hetim, duket se në familjen e Fullanit është kthyer sërish paqja. Meqenëse ish-guvernatori e ka shtëpinë në zonën e ish-Bllokut, ai shihet shpesh aty duke lëvizur në këmbë. Kësaj here paparaci ynë e ka fotografuar me bashkëshorten e tij, e cila punon gjykatëse. Ajo që të bie në sy, është bereta e Fullanit, e cila i ka dhënë atij pamjen e një njeriu që tashmë është në pension, paçka se moshën nuk e ka për t’u shkëputur nga marrëdhëniet e punës. Por kapja për dore me bashkëshorten i bën ata të duken si një çift i ri. Ndërkohë që nuk kemi asfare dyshim se në familjen e Fullanit nuk mungon asgjë, një lypsare para këmbëve të tyre na kujton se sa kontrast ka në shoqërinë tonë.
NDIQE LIVE "PANORAMA TV" © Panorama.al