Teksa veprimet e Iranit po rrisin tensionet mes saj dhe SHBA, së fundmi, Franca u ka bërë thirrje diplomatëve të saj dhe zyrtarëve të ministrisë së jashtme që të shtyjnë për një kohë të pacaktuar të gjitha udhëtimet jo thelbësore në Iran, e arsyetimi i saj përmend frikën ndaj një komploti me bombë dhe një forcim të qëndrimit të Teheranit ndaj ketij shteti.
Memoja përmend një komplot të fshehtë për të bombarduar një tubim të mbajtur nga një grup opozitar iranian në afërsi të Parisit, ku mori pjesë avokati i Trump, Rudy Giuliani, si një shenjë e qëndrimit më agresiv të Teheranit ndaj Francës.
“Sjellja e autoriteteve iraniane sugjeron një ngurtësim të pozitës së tyre përballë vendit tonë, si dhe ndaj disa prej aleatëve tanë”, shkroi Maurice Gourdault-Montagne, sekretari i përgjithshëm i ministrisë në njoftimin e datës 20 gusht.
“Duke pasur parasysh rreziqet e njohura të sigurisë, të gjithë zyrtarët e departamenteve, qoftë nga selitë apo postet (jashtë shtetit), duhet të shtyjnë deri në një njoftim të mëtejshëm, me përjashtim të punëve urgjente, çdo plan udhëtimi në Iran”, shtoi Gourdault-Montagne.
Sakaq, ne oret e fundit, Irani ka kercenuar duke thene se do të vijoje me prezencën ushtarake në Siri, pavarësisht kërkesave të Shteteve të Bashkuara dhe Izraelit për tërheqje të trupave, ka thënë një degë e ushtrisë iraniane në Damask.
“Prezenca e vazhdueshme e këshilltarëve iranianë në Siri, është pjesë e marrëveshjes për bashkëpunim ushtarak në mes të Teheranit dhe Damaskut” që është nënshkruar nga ministrat e Mbrojtjes së të dyja vendeve vikendin e kaluar, ka thënë gjenerali, Abolqasem Alinejad, kanë raportuar agjencitë iraniane të lajmeve.
“Irani do t’i ndihmojë Sirisë në pastrimin e zonave të minuara në pjesë të ndryshme të shtetit, dhe në rindëritimin e zonave ushtarake që janë dëmtuar në luftë”, ka thënë Alinejad.
Trupat e Gardës Revolucione të Iranit kanë dërguar armë dhe mijëra luftëtarë në Siri, në ndihmë të presidentit sirian, Bashar al-Assad, gjatë luftës shtatëvjeçare me rebelët sunitë.
Këshilltari amerikan për Siguri Kombëtare, John Bolton ka përsëritur javën e kaluar thirrjen e Uashingtonit për tërheqje të trupave të Iranit nga Siri.
Shtetet e Bashkuara kanë rivendosur sanksione ekonomike kundër Iranit, pjesërisht edhe për ndërhyrjen e këtij vendi në Siri dhe Jemen, si dhe për programin bërthamor dhe atë raketor.
NDIQE LIVE "PANORAMA TV" © Panorama.al