Në një ambient me tavolina të vendosura nën qiell të hapur, me simbolin e lules së orkidesë së bardhë dhe atmosferën e dasmave tradicionale shqiptare. Kjo ishte atmosfera e veçantë mbrëmjen e djeshme në vilën e Bamir Topit.
Ish-presidenti martoi vajzën e tij me djalin e biznesmenit të njohur, Luan Bregasi. Gazeta ka arritur të zbardhë disa nga detajet e mbrëmjes më të veçantë për Etida Topin dhe Ilir Bregasin. Rreth 450 të ftuar nga fusha e politikës, biznesit, kulturës etj., ishin miqtë në darkën e djeshme.
Një dekorim plot klas dhe finesë, që dominohej nga e bardha klasike, duke iu përshtatur detajeve të oborrit të vilës dhe pa i ndryshuar ato, krijoji atmosferën e një feste me shije të rafinuar.
Vajza 26-vjeçare e Bamirit, Etida, ndërroi tri fustane nusërie gjatë mbrëmjes, të cilët i përshtateshin çdo momenti të caktuar të darkës.
Surprizë për të pranishmit ishte veshja e dhëndrit, Ilirit, i cili u shfaq ndryshe nga dhëndurët me kostume klasike që jemi më- suar, pasi kishte preferuar xhaketën e bardhë dhe pantallonat e zeza.
Atmosfera e festës nën dritën e hënës dhe yjeve kulmoi me tingujt e bandës së Juliana Pashës dhe Sidrit Bejlerit.
Një dhuratë e veçantë për nusen. Një pemë ulliri, 3000-vjeçare me emrin e Etidës. Simbolika, e së cilës do të ngelet përjetë në shtëpinë e ish-presidentit…
NDIQE LIVE "PANORAMA TV" © Panorama.al
