Sapo kryeministri Rama mbaroi fjalimin e tij të gjatë për Portin e Durrësit, deputeti i PD, Dashnor Sula u afrua në vendin ku qëndron kreu i qeverisë.
Me disa letra ne duar, Sula dhe Rama kanë diskutuar për disa minuta me njëri tjetrin, madje u duk sikur mes tyre pati debate, çka bëri që pranë tyre të afroheshin edhe punonjësit e sigurisë se Kuvendit.
Por në fund Sula dhe Rama, pasi u sqaruan i dhanë dorën njëri-tjetrit.
Kujtojmë që Rama sot foli me tone të ashpra, madje nuk i kurseu as ofendimet ndaj opozitës. Në momentin që Rama ishte duke folur në Kuvend, deputeti i Partisë Demokratike, Dashnor Sula, ka nxjerrë një fotografi të ministrave të qeverisë, teksa darkojnë në Dubai te restoranti i Nusretit.
Pak kohë më parë kryeministri Rama, u përplas me deputetin Sula duke e quajtur atë “gjel deti i Peqinit”.
