Emiljano Shullazi është emrin më i përfolur për momentin në Shqipëri. 38-vjeçari i akuzuar për gjobëvënien dhe shumë akuza të tjera, doli sot para Gjykatës së Krimeve të Rënda.
Forca të shumta “Shqiponja” por edhe qen për gjurmimin e lëndës eksplozive kontrolluan oborrin para gjykatës si masë sigurie.
Qeni kontrolloi të gjithë zonën, ku nuk i shpëtuan as automjetet e televizioneve dhe vetë gjyqtarëve që gjendeshin aty për të transmetuar drejtpërdrejtë mbërritjen e Shullazit në Gjykatë.
Në fund, vendimi i Gjykatës për Krimet e Rënda e cilësoi të ligjshëm arrestimin e 38-vjeçarit dhe caktoi për të masën “arrest me burg”.
Pavarësisht mohimit të akuzave, Shullazi bashkë me Gilmano Danin dhe Blerim Shullazi do të qëndrojnë në burgun 302 deri në përfundim të çështjes gjyqësore.
