Kryeministri Edi Rama pas mbledhjes së qeverisë, ku u emërua Sandër Lleshi si zv. ministër i Brendshëm, nuk ka humbur kohë dhe ka shkuar për ta prezantuar.
Rama dhe Lleshi janë parë teksa ngjisnin shkallët e Ministrisë së Brendshme, ku mësohet se do të bëhet prezantimi i zv.ministrit të ri.
Kujtojmë që Lleshi do të drejtojë punët e brendshme, nga posti i zv.ministrit të parë ku do të ketë të gjitha atributet sikur të ishte ministër.
Ndërkohë burime për “Panorama” bëjnë me dije se Fatmir Xhafaj ndodhet në zyrën e tij dhe do të jetë në ceremoninë e Lleshit si pasardhës i tij.
