Tre aleatët e koalicionit të majtë qeverisës janë takuar sot në rezidencë e qeveritare në Vilën 30 për të diskutuar mbi Reformën në Drejtësi. Takimi i Edi Ramës, Ilir Metës dhe Shpëtim Idrizit zgjati plot tri orë.
Në këtë takim, Rama shoqërohej nga ministri i Ekonomisë, Arben Ahmetaj dhe ai i Brendshëm, Saimir Tahir dhe kreu i Grupit Parlamentar të PS-së, Gramoz Ruçi. Kurse Meta ishte në praninë e kreut të Grupit Parlamentar të LSI-së, Petrit Vasili, ministri të Bujqësisë, Edmond Panariti, ministri i Drejtësisë, Ylli Manjani dhe kreut të Komisionit të Sigurisë, Spartak Braho.
Rama është fotografuar i buzëqeshur duke ecur krah Tahirit dhe Ahmetaj pasi dolën nga Kryeministria, kurse Meta ishte krah Brahos, Vasilit dhe Panaritit duke dalë nga Kryesia e Kuvendit. Ndërsa vetëm Idrizi ishte i pa shoqëruar në këtë takim.
