Kryetarja e FRESSH-it, Joleza Koka e ka marrë me sportivitet videon ku ajo shfaqet duke folur përçart në një takim me të rinjtë në selinë e Partisë Socialiste.
Në argumentimin e saj, Koka duke e cilësuar të gjithë këtë “gallatë” thotë se e gjitha ideja e fjalimit të saj ishte se, “në Shqipëri në harkun kohor të dhjetë orëve mund të shkëmbehesh me kryetar bashkie, ministra, kryeministra etj” dhe sipas saj në pak orë mund të takosh të gjithë shqiptarët.
Ndërsa, “sa për shtëpitë e ministrave gjysma e këtyre kritikëve i dinë shumë mirë se i kanë çuar të paktën një herë prindërit me nga një CV në dorë t’i presin tek dera.”
Në fund, Koka fton miqtë e saj në Facebook që të shohin edhe njëherë videon për t’u “qartësuar”, por nga komentet shihet se ajo ka dështuar sërish në sqarimin e saj. Mes tyre që ka komentuar në Facebook është edhe djali i ish-Kryeministrit, Sali Berisha.
NDIQE LIVE "PANORAMA TV" © Panorama.al