Një ikonë e teatrit dhe kinematografisë, por edhe një ikonë e bukurisë. Kjo është aktorja e madhe Raimonda Bulku, e famshme sidomos për filmat e viteve ‘80, ku krahas talentit të saj në aktrim, ajo u bë një etalon bukurie dhe ëndrra e çdo djali.
Me një bukuri totalisht natyrale, me sy të bukur dhe trup elegant e të gjatë, Raimonda Bulku ishte aq e hijshme, sa vështirë të gjesh edhe sot dikë të ngjashme, por pa operacione plastike. Pas një karriere të shkurtër në politikë, ajo iu rikthye skenave të teatrit dhe botës së kinematografisë, duke bërë atë që di të bëjë mirë, aktrimin.
Paparazzi ynë e fotografoi rastësisht pak ditë më parë, në një nga rrugët e kryeqytetit. Zonja Bulku ishte në përditshmërinë e saj dhe ashtu si zonjat bashkëmoshatare të saj, ajo ishte duke bërë pazar me një veshje komode, larg imazhit të aktores së madhe. Por duhet thënë se bukuria e saj spikat edhe në këtë version kaq casual.
PANORAMA PLUS
NDIQE LIVE "PANORAMA TV" © Panorama.al
