Fotot dhe çdo gjë tjetër që dokumenton të shkuarën tonë, kanë një vlerë të paçmueshme. “Panorama Plus” ka kontributin e saj, sepse në vite ka krijuar një arkivë të pasur të personazheve publikë, më saktë që në vitin 2006 kur ajo nisi rrugëtimin e saj bashkë me gazetën “Panorama”.
Prandaj, ne kemi vendosur të publikojmë gjatë kësaj vere disa foto arkive, ku personazhe të politikës, gazetarisë apo showbizit, janë duke bërë pushime. Pothuajse gjithmonë zgjidhet deti dhe më specifikisht ai i jugut.
Fotoja e Zaimina Vasjarit është bërë në vitin 2011, pra, 10 vite më parë. Në fakt, Zaimina nuk ishte me pushime, por po xhironte një klip, diku nga zona e Gjirit të Lalzit.
Paparazzi ynë e ka fotografuar teksa ajo nuk kishte rregulluar akoma flokët apo makeup-in, por si gjithmonë Zaimina duket shumë bukur.
Eneida Tarifa, që si Zaimina sot është nënë, asokohe shijonte pushimet si beqare, bashkë me shoqërinë e saj në Dhërmi. Në superformë atëherë dhe sot.
Vangjush Dako është fotografuar në Dhërmi rreth 6 vite më parë. Kur e publikuam në atë kohë, nënvizuam faktin se Dako kishte lënë Durrësin e superbetonuar, për të shijuar një plazh për së mbari, siç është Dhërmiu.
Anjeza Maja është e bukura e çdo kohe. Kjo foto i përket e vitit 2010, në plazhin e Dhërmiut, bashkë me një shokun e saj, djali i ish-Presidentit Mejdani.
Anjeza ka pasur gjithmonë një supertrup dhe në portret nuk ka ndryshuar asgjë, duke i rezistuar budallallëkut kolektiv për të bërë ndërhyrje në portret. Dhe vazhdon të duket kaq bukur dhe kaq e freskët.
Një nga gazetaret më të njohura të ekranit, Ilva Tare, pak javë më parë vendosi të largohet prej tij dhe t’i përkushtohet familjes.
Në këtë foto, ajo është në plazhet e Jugut, rreth 7 vite më parë. Në superformë si gjithmonë.
Kryetari i opozitës, Lulzim Basha, është fotografuar nga paparazzi ynë në vitin 2012, në Qerret, ku me sa dimë kishte një banesë të tijën.
Asokohe Basha ishte ministër në qeverinë e Berishës. Në kolazhin e fotove të paparazzit, Basha shihet duke shpenzuar kohë me familjen e tij, me vajzat dhe bashkëshorten.
Basha nuk ka ndryshuar aspak në vite, siç e shikoni edhe nga fotot.
Hygerta Sako, një nga ish-miss-et e përjetshme shqiptare, ku bukuria është prezente edhe sot.
Në këtë foto është 9 vite më parë, me vajzën që asokohe ishte akoma e vogël.
Po ta krahasojmë Hygertën në atë kohë me tani, padyshim që tani është më në formë, linjat i ka më të mira dhe në përgjithësi vijon të jetë një person plot energji, që e bën me shumë dëshirë punën e saj në ekran si drejtuese e një emisioni sportiv.
/Panoramaplus.al
NDIQE LIVE "PANORAMA TV" © Panorama.al