Në një ceremoni të organizuar ditën e sotme në Hotel Tirana, ku të pranishëm ishin edhe Presidenti Ilir Meta dhe kreu i Kuvendit Gramoz Ruci, janë ndarë çmimet “Vangjush Gambeta”, dhënë nga Unioni i Gazetarëve Shqiptarë.
Çmimi “ Reporteri i Vitit 2018” shkoi për gazetaren e News24, Klodiana Lala për punën dhe këmbënguljen profesionale në raportimet e saj.
“Raportimi më i mirë i Vitit 2018”, këtë vit shkoi për gazetaren Anila Hoxha, e cila sikundër thuhet në certifikatën e cmimit, spikat përme raportimeve kurajoze.
Për raportimin dhe hulumtimin më të mirë ekonomik në median audio vizive në Shqipëri, gazetarja e News24, Erjola Jata u nderua me cmimin “Vangjush Gambeta” .
Të njëjtin cmim, “Vangjush Gambeta” , shkoi edhe për gazetaren e gazetes Panorama, Dorina Azo si edhe për gazetarin Omer Xhaferri, për raportimin dhe hulumtimin më të mirë ekonomik në shypin e shkruar në Shqipëri e Maqedoni.
Gjatë kësaj ceremonie janë ndarë edhe çmimet e karrierës in memoriam,(pas vdekjes).