Kryendeshja e Javës së 26-të e Kategorisë Superiore mes Partizanit dhe Skënderbeut (1-1), u ndoq me interes jo vetëm nga tifozët e pranishëm në shkallët e stadiumit, por edhe nga përfaqësues të tjerë nga bota e sportit dhe e politikës.
Pak kohë pasi filloi ndeshja në “Qemal Stafa”, kamerat fiksuan në tribun VIP kreun e Kuvendit, Ilir Meta, duke diskutuar me presidentin e Partizanit, Gaz Demi.
Jashtë objektivit nuk mbeti as presidenti i Skënderbeut, Ardian Takaj. Përkrah tij ndodhej ish-ministri i Financave, Ridvan Bode, aktualisht, deputet i Partisë Demokratike.
Gjithashtu në këtë tribunë ishte dhe vëllai i Kryeministrit, Olsi Rama.
