Drama “Miss Julie”, vepër e autorit August Strindberg, u shfaq pak ditë më parë premierë në Teatrin Kombëtar Eksperimental “Kujtim Spahivogli” në Tiranë, nën regjinë e Kiço Londos, ku trekëndëshi Ervin Bejleri, Laura Nezha e Adriana Tolka sollën një intrigë të vërtetë, të dominuar nga erosi.
E njohur për rolet e saj në teatër, aktorja Laura Nezha kësaj here vjen në skenë si “Miss Julie”, një mazokiste e vetëdijshme për pamjen e saj joshëse. Me role të ndryshme në shfaqjet që janë vënë në skenë, këtë herë ajo është protagoniste në dramën e autorit të njohur, suedezit August Strindberg.
Regjisori Kiço Londo është shprehur se me këtë shfaqje spektatori sheh “një Laura Nezha në rolin e një tundueseje të devotshme. Ajo me forcë ushtron pushtetin e saj ndaj shërbëtorit të babait. Julie e Laurës ka një dëshirë mazokiste për rrënimin e saj. Rënia e saj është e pashmangshme. Në ëndrrën e saj ajo shkon ‘drejt e në tokë’ për të gjetur paqen. Ky mazokizëm i vërtetë dhe i thellë i Nezhës e bën Julien të vështirë dhe tërheqëse.”
Publiku ka mbetur pa fjalë duke ka ndjekur lojën autoriale të Laura Nezhës, Vin Bejlerit dhe Adriana Tolkës. “Miss Julie” e TKE është një përshtatje e regjisorit Kiço Londo midis seksit dhe vdekjes, pasurisë dhe përkushtimit, sharmit dhe kaosit.
Julie e vetmuar dhe demoniake (Laura Nezha) është plotësisht e vetëdijshme për bukurinë dhe pozitën e saj shoqërore. Jean (Vin Bejleri) me trup të palestruar, është karrocieri me ngjyrë i babait të Julie dhe njëkohësisht i dashuri i shërbëtores braziliane, Kristine, që luhet nga Adriana Tolka.
Ata bëjnë një trekëndësh mahnitës të gjendjes dhe forcës, që vazhdimisht zhvendoset midis tyre. Midis Julie dhe Jean ka shumë eros që ata t’i rezistojnë njëri-tjetrit. Të dy janë pengje të situatës dhe kjo është e tmerrshme.
Julie, një plaçkitëse qëllimi me anë të privilegjit, gjithmonë në kërkim të një diçkaje të re, e hedh vështrimin mbi Jean, një i ri simpatik dhe ambicioz. Ata komplotojnë të ikin bashkë larg dhe të hapin një hotel. Fatkeqësisht, të dy e kuptojnë që kjo aventurë e tyre do të ishte e pamundur. Duke u ulur në nivelin e shërbëtoreve, Miss Julie e gjen veten pa asnjë shpresë për të ardhmen e saj.
Bukuria dhe vdekja ndeshen gjithmonë në betejën e saj të brendshme, pasi asnjë privilegj nuk e mbron dot nga vdekja. Laura Nezha bashkë me Ervin Bejlerin e Adriana Tolkën krijojnë një trekëndësh mahnitës me eros e pak dhunë, që krijon shumë emocion te publiku.
Kështu, Laura Nezha shfaqet si kurrë më parë në teatër, me skena të forta erosi dhe mazokizmi në këtë lojë teatrale me aktorin e talentuar, Ervin Bejleri. /Panoramaplus.al
