Princi i Uellsit, i cili më pas u bë Mbreti Eduardi i VII i Anglisë rezulton se ka vizituar Durrësin në shkurt të vitit 1862. Jahti mbretëror “Osborne”, u ankorua në portin e qytetit për disa ditë, ku Princit u munduan t’i tregonin rrënojat antike të Durrësit.
Princi Eduard në ditarin e tij shkruan për kalërimin në kodrat e Durrësit shkroi mbi historinë e këtij qyteti të mbuluar nga heshtja e kohës, injoranca otomane dhe banorët që shkelnin mbi historinë.
“Në shkurt të 1862 jahti mbretëror “Osborne” hyri në Limanin e Durrësit. Një port i vogël por piktoresk Otoman në brigjet shqiptare. Jahti kishte si mysafir të shquar Princin e Uellsit, më vonë Mbreti Eduardi i VII i Anglisë”, shkruan Auron Tare.
Kreu i Agjencisë Kombëtare të Bregdetit vijon më tej duke treguar se, “Princi i Kurorës i biri i Mbretëreshës së famshme Viktoria udhëtonte për katër muaj në Lindjen e Mesme si pjesë e edukimit të tij klasik. Itinerari i udhëtimit ishte përzgjedhur me shumë kujdes nga Mbretëresha dhe Princi shoqërohej nga profesorë të historisë antike, arkeologë të shquar dhe fotografi i Familjes Mbretërore Francis Bedford.”
Korfuzi dhe jahti mbretwror Osborne
“Princi qëndroi vetëm disa ditë në Durrës ku shoqëruesit e tij u munduan t’i tregonin rrënojat antike të një metropoli që dikur kishte një famë të madhe dhe ku emra të njohur të historisë kishin lënë gjurmët e tyre.”
“Imagjinoni 152 vjet të shkuara megjithëse Durrësi otoman ishte një gjysmë mocalishte rrënojat madhështore të së shkuarës ndillnin kureshtjen e Mbretëreshës Viktoria dhe të gjithë shpurës së profesorëve klasike anglez. Princi Eduard i cili kalëroi kodrave të Durrësit shkroi në ditarin e tij mbi historinë e këtij qyteti të mbuluar nga heshtja e kohës, injoranca otomane dhe banorët që shkelnin mbi historinë.
Po sot? A do të ishte Durrësi një qytet ku cilido Mbret apo Mbretëreshë, profesorë apo fotograf, qytetar apo fshatar do të donte t’i jepte edukimin klasik fëmijëve të vet?”
NDIQE LIVE "PANORAMA TV" © Panorama.al