Ndërkohë që e gjithë vëmendja e ditës së sotme ishte te lojtarët kuqezinj që ktheheshin nga aventura në Francë, një tjetër ekip ka mbërritur në aeroportin e Rinasit, por pa shumë zhurmë.
Bëhet fjalë për kontingjentin e 3-të paqeruajtës, i cili kreu me sukses misionin ushtarak në Kabul, Afganistan, në kuadër të operacionit të NATO “Resolute Support Mission”.
Ata u pritën nga familjarët dhe në mjediset ushtarake të aeroportit “Nënë Tereza” në Rinas, përmes një ceremonie ushtarake
Ministrja Kodheli përshëndeti kthimin e ushtarakëve nga Afganistani përmes një mesazhi në “Facebook”.
“Të gjithë shqiptarët presin sot kthimin e kombëtares së futbollit, por ndërkohë ne pritëm “kombëtaren” e Forcave të Armatosura, e cila shërbeu për rreth 6 muaj në Resolute Support Mission në #Kabul të Afganistanit. Nuk është se kanë shumë ndryshim nga njëra-tjetra; e para na nderon në sytë e Evropës, e dyta në sytë e aleatëve. Mirëserdhët djema, shijojeni verën”!