Masat e distancimit social u harruan të dielën në mbrëmje, pasi Justin dhe Hailey Bieber organizuan një festë ekstravagante në shtëpinë e tyre në Beverly Hills, raporton “Daily Mail”.
Kendall dhe Kylie Jenner ishin pjesë e festës, bashkë me të famshëm të tjerë, të cilët nuk i morën parasysh paralajmërimet e përsëritura të kryetarit të Los Anxhelosit, në lidhje me tubimet e mëdha sociale në të gjithë qytetin.
Organizimet që përmbajnë njerëz nga familje të ndryshme janë të ndaluara në Los Anxhelos nga COVID-19.
Por, pavarësisht kërcënimit të vazhdueshëm, Kendall dhe Kylie u panë të hynin në shtëpinë e Justin, të cilën këngëtari e ka blerë për 8.5 milion dollarë.
Asnjë nga të ftuarit nuk mbante maskë përveç modeles Jaden Smith Winnie Harlow.
Justin i mirëpriti mysafirët e tij me përqafime të ngrohta dhe më pas të gjithë u ulën jashtë në natyrë, teksa shijonin pije të freskëta, patate të skuqura dhe mish pule.
Hailey dhe Justin u martuan në vitin 2018.
Shefi i policisë në Los Anxhelos, Michel Moore, tha se kanë bërë një marrëveshje me zyrtarët shëndetësorë që festat nuk duhet të lejohen gjatë pandemisë.
Ai shtoi se policia do të thërrasë në gjyq të gjithë ata që shfaqën “mospërfillje” ndaj rregullave.
NDIQE LIVE "PANORAMA TV" © Panorama.al