Policia e Shkodrës ka goditur ditën e sotme një grup të strukturuar kriminal që merrej me trafik droge. Në pranga kanë rënë 2 shqiptarë dhe 1 italian.
Operacioni ishte koduar me emrin “TRIP”. Si rezultat i këtij operacioni u arrestuan në flagrancë shtetasit:
* Marco Cavanna, 58 vjeç, banues në Itali (shtetas italian)
* Elton Hyseni, 22 vjeç, banues në Itali
* Arsen Hysaj, 29 vjeç, banues në Shkodër
Më datë 24.12.2016 u bë arrestimi i këtyre shtetasve pasi në Pikën Kufitare në Muriqan, shtetasit italian M.Cavanna në çantën e dorës ju gjetën dhe sekuestruan në cilësinë e provës materiale 124 gram lëndë e dyshuar narkotike cannabis-sativa, të cilën në bashkëpunim me 2 shtetasit shqiptarë po tentonin ta kalonin përtej kufirit.
Materialet proceduriale iu referuan Prokurorisë së Krimeve të Rënda Tiranë, për veprën penale “Trafikimi i narkotikëve” në bashkëpunim parashikuar nga neni 283/a/2 i Kodit Penal.
