Shqipëria ka mbajtur dasmën e dytë mbretërore të të gjithë historisë së saj dhe të parën që pas rënies së komunizmit. Mbreti Leka II kurorëzoi dashurinë me Elia Zaharia në një ceremoni luksoze.
Dy të rinjtë u fejuan në Paris në vitin 2010, por nisën të planifikonin ditën e madhe vetëm pak muaj më parë.
Në ceremoni morën pjesë rreth 20 familje mbretërore nga e gjitha botë, përfshirë dhe Princin Michael të Kentit – kushëririn e parë të Mbretëreshës së Britanisë, Elisabeta II.
Princesha Lea e Belgjikës dhe Mbretëresha Sofia e Spanjës gjithashtu ishin të pranishëm në ceremoninë e organizuar në Tiranë.
Familja mbretërore e Shqipërisë u dëbua nga vendi në vitin 1939 pasi u pushtuan nga fashistët italianë.
Pas Luftës së Dytë Botërore, kur komunistët morën pushtetin, Mbreti Zog u konsiderua tradhtar dhe u hoq nga librat e historisë.
Suljeman Gjanaj, kreu i Lëvizjes së Legalitetit, një parti e vogël e të djathtës ekstreme dhe parti monarkiste, tha për BIRN se ceremonia vërteton mbretërit e Shqipërisë dhe siguron trashëgimin e Mbretit Zog.
“Fakti që mbi 20 familje mbretërore dhe më shumë se 100 aristokratë nga e gjithë bota morën pjesë, është një indikator e miratimit se Shqipëria ka mbretër”, shprehet Gjonaj.
Kjo sipas tij është përgjigjja më e mirë për të gjitha ata që kanë falsifikuar historinë e vendit duke i mohuar të drejtat ligjore familjes mbretërore.
Ceremonia është pritur me indiferencë nga të rinjtë shqiptarë, por gjenerata e vjetër thotë se vendi ishte më mirë me mbretin para se të vinin komunistët, shkruan “Daily Mail”.
Fatmir Qafa, pensionist 70 vjeç thotë se Zogu ndërmori reforma për zhvillimin e ekonomisë dhe jetës sociale të vendit.
“Nuk duhet të harrojmë se Zogu, mysliman u martua me një grua katolike, duke i hapur rrugën tolerancës fetare në vend”, thotë ai.
“Shqipëria ishte më mirë gjatë kohës së tij, më e lirë se gjatë komunizmit. Por ishte komunizmi që u përpoq të shtrembëronte karakterin e tij”.
