Pas miratimit të Reformës në Drejtësi, në fjalimin e sotëm të ish kryeministrit Berisha, ajo që ra në sy ishin fjalët e mira të tij për Lëvizjen Socialiste për Integrim dhe Ilir Metën.
Sipas Berishës Meta dhe PD-ja ishin fituesit e debatit për Reformën në Drejtësi, ndërsa Rama humbasi i madh.
Roli i Ilir Metës në seancën e javës së kaluar u pa edhe si një prishje e tij përfundimtare me Edi Ramën.
Madje të shumtë ishin zërat që pas miratimit të Reformës nuk do të vononte edhe firmosja e një mocioni mosbesimi nga PD dhe LSI për të larguar Edi Ramën.
Dhe në seancën e sotme gazetari i Panorama në Parlament, Fation Binjaku ka fiksuar një moment kur deputeti i PD-së, Oerd Bylykbashi dhe ai i LSI-së, Bujar Derveni janë afër njeri tjetrit dhe diçka po firmos deputeti demokrat.
