Banorët tek Stacioni i Trenit që preken nga ndërtimi i Bulevardit të Ri të Tiranës janë të vendosur për të mos lejuar fadromat e IKMT-së që të ndërhyjnë në prishjen e banesave. Ata kanë paralajmëruar deri në mosbindje civile, teksa duket se kanë edhe një skenar në rast se do ndërhyhet nga ana e policisë për të vijuar me shembjet.
Ata do përplasen me policinë nëse do shohin se do u prishen banesat.
Sot ata kanë dalë sërish në protestë, dhe me parrulla kërkojnë të mbrohen nga shteti.
“O Rilindje na mbro nga shteti’, “pro zhvillimit, jo mashtrimit”, “shtëpia jonë jeta jonë,” “mos na merr jetën”, janë vetëm disa nga parrullat e banorëve tek Stacioni i Trenit.
NDIQE LIVE "PANORAMA TV" © Panorama.al