Një kamion është aksidentuar mëngjesin e kësaj të enjteje në zonën e Sukthit, në autostradën Tiranë-Durrës.
Siç shihet në fotot e fiksuara nga LSA, kamioni është anuar duke u përplasur me trafikndarësen. Policia ndodhet në vendin e ngjarjes ku ka nisur hetimet për aksidentin.
Blutë po menaxhojnë dhe trafikun e krijuar për shkak të aksidentit. Nuk raportohet deri tani të ketë të lënduar, teksa policia nuk ka ende një njoftim zyrtar.
