Heber Lopez, gjyqtari brazilian i cili drejtoi finalen e Kupës së Amerikës mes Kilit dhe Argjentinës, ka përfunduar në qendër të një skandali seksual, pasi në internet kanë filluar të qarkullojnë disa foto komprometuese të tij.
Pas finales së humbur me penallti nga Argjentina, tifozët e kësaj kombëtareje e kanë akuzuar 43 vjeçarin për gjykim të njëanshëm, sidomos për sa i përket kartonit të kuq që i dha Rohos.
Një prej tifozëve është hakmarrë duke postuar në rrjetet sociale disa foto ku shfaqet Lopez në shoqërinë e disa prostitutave në një dhomë hoteli, ndërsa aludohet që ato ishin “dhuratë” nga Kili,
Megjithatë, mediat e ndryshme në Amerikën e Jugut nuk kanë arritur të konfirmojnë ende nëse fotot janë realisht të tijat apo nëse ky është thjesht një fotomontazh hakmarrës ndaj brazilianit.
NDIQE LIVE "PANORAMA TV" © Panorama.al
