Fotoreporterja Nilüfer Demir ka shpjeguar momentin kur ka realizuar fotografinë që tronditi botën, të një fëmije të mitur sirian pa jetë në bregdetin turk.
Duke folur për “Hyrriet”, ajo ka shpjeguar se në atë moment ka munduar të realizoj foton, në mënyrë që bota të dëgjojë zërin e tre vjeçarit.
“Në momentin kur pashë 3 vjeçarin Aylan Kurdi, u tmerrova”, duke shtuar se ajo nuk kishte mundësi tjetër, veçse të bënte detyrën e saj si gazetare.
Demiri e ka shkrepur kameran e saj më 2 shtator rreth orës 6.00, në bregdetin Akyarlar të provincës Muğla, Turqi, kur trupat e emigrantëve dolën në breg pasi dy anije u mbytën në plazhin e Bodrum-it.
“Më 2 shtator, unë kam qenë në detyrë dhe gjithashtu duke fotografuar … një grup emigrantësh pakistanezë në përpjekje për të kaluar në Greqi. Ndërsa ishim dëshmitarë të tragjedisë, papritmas kemi vënë re trupat e pajetë. Ne pamë se trupat i përkisnin fëmijëve të mitur. U tronditëm; kemi ndjerë trishtim për ta. Gjëja më e mirë që mund të bënim ishte ta bënim që kjo tragjedi të dëgjohet”,- ka thënë Demiri.
NDIQE LIVE "PANORAMA TV" © Panorama.al