Pavarësisht apelit të vazhdueshëm nga institucionet qeveritare dhe autoritetet shëndetësore, për të mos dalë nga shtëpia pa arsye, qytetarët e Tiranës, përveç rasteve kur kanë për të blerë ushqime, nuk po binden dhe shëtitjet duket se po i vijojnë normalisht.
Në ditën e katërt të shtetrrethimit, nga e premtja e 13 marsit, kur qeveria ndaloi daljen nga shtëpitë si edhe lëvizjen e makinave private, këto janë pamjet që të ofron kryeqyteti sot.
Fotot e shkrepura nga LSA tregojnë se qytetarët janë më të shumtë në numër se ditën e parë dhe të dytë të izolimit.
Një numër më i madh këmbësorësh dhe automjetesh është vënë re paraditen e kësaj të hëne në Tiranë, por ajo që shihet, është se shumica i kanë përdorur maskat e dorezat.
