Pasi deklaroi publikisht se nuk do të lejojë mbledhjen e Kuvendit Kombëtar për të shqyrtuar vendimin e përjashtimit të Sali Berishës, Lulzim Basha ka dal në publik me drejtuesit e kësaj force politike.
Ai pas deklaratës për mediat është ulur për disa minuta në kafen e SHQUP-t, me nënkryetarët e PD-së, Enkelejd Alibeaj, Grida Duma, Jorida Tabaku dhe Alfred Rrushaj! Po bashkë më të isthe dheSekretarin e Përgjithshëm të PD-së, Gazment Bardhi.
Gazetari i Panorama.al, Mariglen Kume bëri të ditur se Basha dhe kupola drejtuese e PD-së kanë qëndruar disa minuta në kafen jashtë selisë blu, ndërkohë që janë rikthyer sërish brenda ambienteve.
Më herët gjatë deklaratës së tij, Basha tha se beteja e demokratëve është me Edi Ramën.
“Për 8 vite me radhë Edi Rama më ka akuzuar për kukull të Sali Berishës. Dje, Sali Berisha më ka akuzuar për peng të Edi Ramës. E para është gënjeshtër, e dyta nuk do të ndodhë kurrë. Të dyja janë dy anë të të njëjtës medalje…
Sa u përket pretendimeve për referendume dhe kuvende, kuvend të Partisë Demokratike për të marrë në shqyrtim vendimet e qeverisë amerikane nuk ka për të patur. Objektivat tona janë përballja me Edi Ramën dhe regjimin e tij dhe e gjithë energjia jonë është e fokusuar këtu. Nuk ka për të pasur kuvend të Partisë Demokratike që shqyrton vendimet e qeverisë Amerikane”, tha Basha.
NDIQE LIVE "PANORAMA TV" © Panorama.al