Presidenti amerikan Barack Obama ka nderuar viktimat e masakrës së Bataclan, ku humbën jetën 90 persona nga sulmet terroriste që ndodhën në Francë.
Me një lule të vetme në dorë, Obama është fotografuar përkrah presidentit francez Hollande dhe Kryetaren e Bashkisë së Parisit Anne Hidalgo.
Presidenti Obama ka vizituar skenën e sulmit të teatrit Bataclan në Paris, pas mbërritjes në qytet për samitin e ndryshimeve klimatike të OKB-së. Më herët atje protestuesit u përleshën me policinë dhe rreth 200 persona u ndaluan.
Pas vendosjes së lules së tij, Obama qëndroi në heshtje me kokën përkulur dhe duart e mbledhura. Ai pastaj u largua me Hollande dhe Hidalgo.
NDIQE LIVE "PANORAMA TV" © Panorama.al