Ashtu siç lajmëroi “Panorama Sport”, ish-trajneri i Skënderbeut, Ilir Daja, ka mbërritur në qytetin e Vlorës për të firmosur kontratën me skuadrën e Flamurtarit.
Për më shumë se një orë trajneri ka qendurar në ambientet e stadiumit me administratorin Sinan Idrizi dhe drejtorin Edmond Liçaj. Ilir Daja është shfaqur i qeshur para gazetarëve, ndërsa nuk kanë munguar ngacmimet e Idrizit. Pas suksesit me Skëndebeun, trajneri kampion aktual do të kërkojë të bëjë historinë me skuadrën kuqezi.
Tekniku 51-vjeçar pritet të dalë pas pak në një konferencë për shtyp ku do të thotë fjalët e para si trajner i Flamurtarit.
