Ambasadorja e SHBA-ve në Tiranë, Yuri Kim dhe zëvendës ambasadori, Demian Smith kanë marrë pjesë në marshimin e krenarisë, të organizuar nga komuniteti LGBTI+.
Ambasada e SHBA ka postuar fotografitë e kryediplomates, e cila ka pozuar duke marshuar me flamurin dhe me bluzën e komunitetit LGBT.
Në njoftimin e publikuar theksohet se: “Shtetet e Bashkuara mbeten të përkushtuara ndaj të drejtave të njeriut dhe lirive themelore për të gjithë personat si parime kushtetuese që vazhdojnë të udhëheqin diplomacinë amerikane”.
Njoftimi i Ambasadës së SHBA
Ambasadorja Yuri Kim dhe Zëvendës Ambasadori Demian Smith ju bashkuan Marshimit të Krenarisë LGBTI+ në bulevardin e Tiranës për të treguar mbështetjen e Shteteve të Bashkuara për mbrojtësit e të drejtave të njeriut dhe organizatat e shoqërisë civile që punojnë në Shqipëri për të përkrahur të drejtat dhe liritë themelore të të gjithë njerëzve për të jetuar me dinjitet.
Shtetet e Bashkuara mbeten të përkushtuara ndaj të drejtave të njeriut dhe lirive themelore për të gjithë personat si parime kushtetuese që vazhdojnë të udhëheqin diplomacinë amerikane.
Presidenti Biden publikoi këtë vit Memorandumin për Përparimin e të Drejtave të Njeriut të Personave Lezbike, Homoseksualë, Biseksualë, Transgjinorë, Queer dhe Interseks anembanë botës.
Komuniteti LGBTI në marshimin e sotëm në Tiranë
NDIQE LIVE "PANORAMA TV" © Panorama.al