Dikur një qytet i zhurmshëm, por tani Wuhan në Kinë është shndërruar në një qytet fantazmë, pas virusit që deri më tani i ka marrë jetën 25 personave.
Mjekët e veshur me kostume ogurzi lëvizin nëpër rrugët e qyteti, duke i dhënë ndihmë të prekurve nga virusi, numri i të cilëve ka shkuar në 550 persona.
“The sun” udhëtoi në epiqendrën e virusit, ndërsa rastet e te prekurve janë rritur me shpejtësi dhe ekziston frika se mund të shpallet krizë globale nga Organizata Botërore e Shëndetit.
Banorët e dëshpëruar veshin maska, gjë që është bërë normë në qytet, ndërsa nëpër dyqane ato janë shitur tërësisht, duke sjellë rritje të kërkesave në internet.
Qyteti është më i madh se Londra dhe ka 11 milion banorë të cilët po përgatiten për atë që mund të bëhet krizë globale.
Sipas ekspertëve, numri i të prekurve tani duhet të ketë shkuar deri në 10 mijë dhe niveli i vdekjes është i njëjtë me epideminë e gripi spanjoll, i cili vra miliona pas Luftës së Parë Botërore.
