Tre oficerë policie dhe disa qytetarë kanë mbetur të plagosur nga një sulm me armë në Colorado Springs, në SHBA.
Mediat amerikanë citojnë një zyrtar të policisë lokale që thotë se disa civilë mendohet të jenë plagosur. Autori i kësaj ngjarjeje është ende i lirë dhe forcat policore janë vënë në kërkim të tij.
Incidenti ndodhi pranë një klinike të planifikimit familjar, ndërsa ende mbetet e paqartë nëse ishte ndërtesa në shenjestër apo agjentët e policisë.
Policia ka thënë se “zona nuk është e sigurt” në një njoftim në rrjetin social “Twitter”.
Një dëshmitar pranë zonës ku u shënua incidenti ka thënë se dëgjoi rreth 20 të shtëna me pistoletë në harkun kohorë prej 5 minutash.
Sipas “BBC” të plagosurit janë dërguar për të marrë ndihmën e parë në spital, ndërsa policia u ka bërë thirrje banorëve të qëndrojnë pranë banesave të tyre.
NDIQE LIVE "PANORAMA TV" © Panorama.al