Tërmeti tragjik që goditi vendin më 26 nëntor, e që la pas 51 viktima, ka shkaktuar jo pak frikë e ankth mes njerëzve, ku shumë prej tyre, në Durrës e Tiranë, lanë shtëpinë dhe u drejtuan drejt qyteteve të tjera, në jug apo në veri.
Në zonën e kombinatit në kryeqytet, ku disa ndërtesa janë kanë pësuar dëme të konsiderueshme nga lëkundjet, të trembur nga pasgoditjet e tërmetit, disa banorë kanë vendosur të braktisin banesat e tyre.
Në fotot e sjella nga LSA, ata shfaqen duke marrë rroba apo disa orendi, për t’u zhvendosur diku tjetër, ku ndoshta ndjehen më të sigurt.
Deri më tani janë regjistruar më shumë se 550 paslëkundje tërmeti, ndërsa sizmologët thonë se kjo është një gjë normale, duke theksuar se nuk ka arsye pse të ketë panik.
NDIQE LIVE "PANORAMA TV" © Panorama.al
