Qytetarë, gazetarë e aktivistë të shoqërisë civile kanë nisur një protestë para godinës së Kryeministrisë pasditen e sotme.
Protesta vjen pas sulmit me armë zjarri ndaj banesës së prindërve të gazetares Klodiana Lala, me të cilën pjesëmarrësit në protestë kanë shprehur soliadaritetin e tyre.
“Plumba mbi shtëpinë e gazetares Klodiana Lala, janë plumba mbi ne. Ndaj mos pyet se për kë bien këta plumba?! Ato bien për ty”, shkruhej në një pankartë e mbajtur nga një prej protestuesve.
Ngjarja ndodhi orët e para të mëngjesit të sotëm. Në drejtim të banesës së prindërve të gazetares në Tiranë u qëllua me armë zjarri ndaj rreth orës 3. Fatmirësisht nuk pati të lënduar. Autorët e krimit janë ende të paidentifikuar nga policia, që njoftoi se po punon për zbardhjen e ngjarjes. Sulmi me armë solli reagime të shumta, që nga kolegët e gazetares e deri figurat e institucionet kryesore të politikbërjes në vend. Vetë Klodiana Lala, në një reagim, tha se dyshon se sulmi ka ardhur për shkak të punës së saj si gazetare.
PANORAMA
NDIQE LIVE "PANORAMA TV" © Panorama.al