Presidenti serb Aleksandar Vucic u takua sot me Zëvendës Sekretarin amerikan të Shtetit dhe Përfaqësuesin Special për Ballkanin Perëndimor Matthew Palmer.
Ndërsa iu drejtua mediave në konferencën pas takimit, Vuçiç falënderoi zyrtarin amerikan që vendosi në xhaketë lulen ‘Natalijina Ramonda’.
“Gjyshi i Palmerit, mori pjesë në Luftën e Parë Botërore që flet shumë për aleancën tonë, faleminderit për atë gjest,” tha presidenti serb.
‘Natalijina Ramonda’ është një lule që përfaqëson popullin serb dhe përvojat që kanë kaluar. Asaj ia kanë vënë emrin sipas mbretëreshes serbe Natalija Obrenovic, transmeton “Kurir”.
