Një shqiptare është arrestuar në Peruxha të Italisë, pasi akuzohet për vrasjen e 70-vjeçares Daniela Klaudin Shetalein.
Kjo e fundit u gjet e vdekur në banesën e saj ditën e sotme në mëngjes nga ana e Policisë. Gjithashtu, është arrestuar mikja e saj, Renata Kete, e cila edhe kujdesej për të moshuarën.
Kete është 50-vjeçare dhe me origjinë shqiptare. Policia dyshon se Kete e ka rrahur të moshuarën, deri sa ajo ka gjetur vdekjen nga plagët.
Gjithashtu, thuhet se Kete është edhe shoqja e ngushtë e vajzës së viktimës. Policia italiane thotë se ende nuk ka zbuluar arsyen e vrasjes apo se përse shqiptarja e ka rrahur të moshuarën.
