Partizani i është rikthyer stërvitjes pas disa ditëve pushim. “Demat e Kuq” kanë nisur sot përgatitjet për kampionatin i cili do të startojë në 19 gusht. Skuadra e kuqe që drejtohet nga Skënder Gega do të jetë mysafire në Korçë në ndeshjen e parë për tu ndeshur me kampionët në fuqi të Skënderbeut.
Me skuadrën në stërvitje ka dalë edhe sulmuesi që u zyrtarizua ditën e djeshme, Rubin Hebaj. Shkodrani u vu menjëherë në urdhrat e trajnerit. Me shumë gjasa në rast se nuk arrihet akordi me Soue do të jetë Hebaj që do të udhëheqë të kuqtë në majën e sulmit.
NDIQE LIVE "PANORAMA TV" © Panorama.al