Mbetjet e një qyteti 5,000 vjeçar u zbuluan në Izrael, gjetja më e madhe dhe më e vjetër në rajon.
Qyteti ishte shtëpia e 6,000 njerëzve dhe përfshinte rrugë të planifikuara, lagje, një tempull ritual dhe fortifikime.
Me një dimension që tejkalon 3 kilometrat katrorë, Ein Asur ndodhet rreth 60 kilometra në veri të Tel Avivit.
Sipas arkeologëve, qyteti i gjetur, është nga më të rëndësishmit e Epokës së Bronzit, me një histori të mahnitshme shkëmbimesh ekonomike me qytetet e tjera, të dëshmuara nga artefaktet e shumta egjiptiane që janë gjetur.
Zbulimi ka ndodhur në kantierin e autostradës që do të lidhë me sistemin rrugor qytetin e ri të Harish, që planifikohet të ketë rreth 60 mijë banorë deri në vitin 2030.
Rrënojat, pasi janë kataloguar nga Instituti i Arkeologjisë vendas, janë mbuluar sërish për t’i dhënë udhë punimeve bashkëkohore në autostradë, por modifikime do të kryhen në mënyrë që “Nju Jorku” i lashtësisë, siç e kanë quajtur, të jetë aty edhe për gjeneratat e ardhshme.
NDIQE LIVE "PANORAMA TV" © Panorama.al