Ende nuk ka luajtur një ndeshje zyrtare me Interin, por tashmë Raxha Naingolan është në qendër të diskutimeve në shtëpinë zikaltër. Mesfushori belg është parë të premten e kaluar, teksa kalon natën në një diskotekë në Dalmine, një provincë e Bergamos, nën shoqërinë e një aktori të njohur italian, Fabricio Korona.
Reagimet e tifozëve të Interit kanë qenë të shumta, për këtë lloj jete që bën, por nga ana tjetër klubi i Interit nuk ka marrë asnjë masë për këtë çështje. Ndërkohë, ditën tjetër, Naingolan është shfaqur në Apiano Xhentile, duke u stërvitur, më fort se edhe shumë prej shokëve të skuadrës.
NDIQE LIVE "PANORAMA TV" © Panorama.al
