Merkatoja verore e Milanit vlejti mbi 200 milionë euro, por ndër vite kuqezinjtë kanë gabuar jo pak herë në afrime. Duke nisur nga porta, Gabriel u ble në Brazili si pasardhës i Didës, por rezultoi një dështim. Edhe në mbrojtje me Boneran apo Vergara (Nesta kolumbian), pa harruar edhe Xhamel Mesbah, reparti hipotetik do të linte shumë për të dëshiruar.
Disi më shumë cilësi mesfusha e dështimeve të merkatos së Milanit, me Bakaje Traore dhe Majkëll Esien që gjeti te kuqezinjtë një ndër stacionet e fundit të karrierës. As golat me pikatore të Hondës, e aq më pak Saponara, nuk justifikuan kurrë investimin ndaj tyre, ndërsa sulmuesit si Alesi Çerçi e Matia Destro u larguan dukë lënë më shumë kujtime të hidhura se gola.
NDIQE LIVE "PANORAMA TV" © Panorama.al