Zbulohet fotoja e Kudret Saliajt, i cili u vra me armë zjarri nga ish-vjehrri i tij, Mexhit Picari.
Ngjarja e rëndë ka ndodhur mesditën e kësaj të premte, në Tiranë pas sherreve të vazhdueshme për divorcin dhe kujdestarinë e fëmijëve. Saliaj kishte hapur procesin gjyqësor për t’u ndarë nga gruaja e tij me të cilin kanë edhe 3 fëmijë.
Mexhit Picari, një ish-polic hyri në lokal dhe hapi zjarr drejt ish-dhëndrit, ndërsa u plagos edhe avokati Adriatik Cama, që ndodhej në një tavolinë me viktimën.
SI NDODHI VRASJA
Sipas policisë, ngjarja ka ndodhur pas një konflikti në familje, por i plagosur ka mbetur edhe ish-prokurori Adriatik Cama, i cili ndodhet jashtë rrezikut për jetën.
Në konflikt është përfshirë Mexhit Picari, i cili ka qëlluar me arme per vdekje ish-dhëndrin e tij, shtetasin Kudret Saliaj që ishte ne proces divorci me gruan dhe sot ishte seanca e radhës, por qe nuk u zhvillua.
Sipas dëshmitarëve, pas ngjarjes ish-Prokurori Cama ka qenë i vetëdijshëm dhe ka qëndruar aty derisa ka mbërritur policia. Ai ka qenë i tronditur për ngjarjen dhe nuk ka pranuar që kolegë të tij ta dërgonin në spital.
KONFLIKTET MES ÇIFTIT
“Viktima ka pasur një proces të gjatë divorci. Bashkëshortja ka qenë e arrestuar për probleme të dhunës në familje. Po bëheshin seanca për divorc në këto kushte, babai i vajzës ka goditur ish dhëndrin e vet”, tha drejtori i policise se Tiranes, Rebani Japupaj.
AKUZAT DHE ARRESTIMI I DHURATA SALIAJ
Brenda familjes ka pasur akuza dhe kundërakuza, pretendime për tradhti bashkëshortore, mosmarrëveshje dhe deklarata për dhunë fizike dhe psikologjike. Familja e bashkëshortit, konkretisht vjehrra e 32-vjeçares, mbesa e burrit të saj, madje edhe 2 fëmijët e saj, e akuzojnë Dhurata Saliajn për tradhti bashkëshortore. Ata thonë se ka prova, ndërsa vetë Dhurata mohon çdo gjë të tillë dhe i konsideron sajesa e trillime.
Por konflikti brenda familjes u tensionua akoma më shumë. Ndaj Dhuratës u bë një denoncim në polici, ku akuzohej se kishte ushtruar dhunë fizike e psikologjike ndaj fëmijëve të saj dhe mbesës së burrit, si dhe të kishte kërcënuar vjehrrën.
Pas këtij kallëzimi, Dhurata Saliaj u arrestua më datë 3 Tetor. Pasi u arrestua, Dhurata doli përpara Gjykatës së Tiranës dhe trupa gjykuese vendosi masën e sigurisë arrest shtëpie.
LEXO EDHE:
Vrau ish-dhëndrin dhe plagosi avokatin, arrestohet Mexhit Picari
Vrasja në një lokal në Tiranë, plagoset edhe ish-prokurori Adriatik Cama. Policia jep detajet
NDIQE LIVE "PANORAMA TV" © Panorama.al
