Personi që shihni në foton më poshtë është Kliti Leka, 53 vjeçari banues në Tiranë i cili akuzohet si autori i dyshuar i vrasjes së biznesmenit Niko Goro.
Ai u kap në vendin e quajtur “Livadhet”, pak minuta pas krimit.
Policia ka sekuestruar armën e dyshuar të krimit, armë zjarri kallashnikov dhe automjetin me të cilin u largua autori, si dhe një pistoletë e cila u gjet në mjetin me të cilin lëvizte.
***
Ekzekutimi i biznesmenit/ Policia jep detaje, pika kontrolli nga Himara në Vlorë, e plagosur mbeti…
Policia ka reaguar zyrtarisht për ekzekutimin me armë zjarri të biznesmenit Niko Goro, mëngjesin e sotëm në Himarë.
Blutë bëjnë më dije se ka qenë një person që ende nuk është identifikuar i cili ka qëlluar me armë zjarri, duke lënë të plagosur dhe motrën e biznesmenit, 57-vjeçaren E.Q.
Shërbimet e Policisë kanë shkuar menjëherë në vendngjarje, janë ngritur pika kontrolli në aksin rrugor Himarë – Borsh e Himarë – Vlorë.
Në ndihmë të Policisë Vendore janë nisur forcat Operacionale dhe Shqiponjat e DVP Vlorë.
Himarë/Informacion paraprak.
Më datë 17.10.2020, rreth orës 08.55 minuta në vendin e quajtur rrethrrotullimi që të çon në lagjen Spille Himarë, nga një person ende i pa identifikuar është vrarë me armë zjarri shtetasi Niko Goro, 51 vjeç. Si pasojë është plagosur lehtë në këmbë edhe shtetasja E. Q., 57 vjeçe, jashtë rrezikut për jetën.
Shërbimet e Policisë kanë shkuar menjëherë në vendngjarje, janë ngritur pika kontrolli në aksin rrugor Himarë – Borsh e Himarë – Vlorë.
Në ndihmë të Policisë Vendore janë nisur forcat Operacionale dhe Shqiponjat e DVP Vlorë.
Në vendngjarje ka shkuar grupi hetimor dhe nën drejtimin e Prokurorisë po vijon puna për zbardhjen e rrethanave të ngjarjes, identifikimin dhe kapjen e autorëve.
NDIQE LIVE "PANORAMA TV" © Panorama.al
