Kryetarja e LSI, Monika kryemadhi, e shoqëruar dhe nga deputetja e LSI, Kejdi Mehmetaj, ka vizituar sot Kryegjyshatën Botërore të Bektashizmit në Shqipëri, me rastin e festës së hashures.
Gjatë kësaj vizite ajo është takuar me kryegjyshin e bektashinjve Baba Mondin.
Në një postim në FAcebook, Kryemadhi ka treguar këtë takim duke uruar të gjithë besimtarët për këtë festë.
Postimi i plotë
Me kënaqësi vizitova si përvit në këtë ditë të shënuar, ndër më të rëndësishmet për besimtarët bektashinj, selinë e Kryegjyshatës Botërore të Bektashizmit në Tiranë, për të ndarë urimin me besimtarët e me kryegjyshin e bektashinjve, Baba Mondin.
Ndava urimin, sipas traditës së bektashinjve e mora nga ta mësimin që sakrifica, por edhe toleranca e shpirtpastërtia janë ndër vlerat e paçmueshme njerëzore.
Mirësi, paqe e begati për të gjithë!
