Ky që shihni në foton më poshtë është 30-vjeçari shqiptar i identifikuar si Liserd Lula, me banim në San Giorgio, i cili prej disa kohësh mbahej nën vëzhgim nga policia italiane pasi dyshohej si shpërndarës droge.
Ai u vu në prangat e policisë dje, pasi gjatë kontrollit në banesë, iu gjet armë, fishekë, bombola gazi dhe pajisur silenciator si dhe një thikë të madhe, të tipit “Rambo”.
Po ashtu, në banesën e 30-vjeçarit është gjetur edhe një sasi droge prej 390 gram marijuanë.
Dyshohet se shqiptari e ushtronte aktivitetin e tij në zonat bregdetare, ku drogën ua shiste kryesisht të rinjve.
Ai ndodhet në paraburgim, ku ndaj tij rëndojnë akuza e trafikimit të drogës dhe posedimit të armëve pa leje.
NDIQE LIVE "PANORAMA TV" © Panorama.al