Fitorja me Kosta Rikën, nuk ka kaluar pa u komentuar në Serbi. Jo për rezultatin, por skandali ka shpërthyer tek kombi ballkanas, për një foto që qarkullon, ku duket djali i presidentit Aleksander Vuçit, i shoqëruar nga dy persona me rekorde kriminale.
Danilo Vuçiç, shihet mes Milan Krasiç dhe Aleksandar Vidojeviç në tribunat e stadiumit “Cosmos Arena”. Krasiç është pjestar i grupit famëkeq “Alcatraz” dhe është dënuar me 15 vite për vrasjen e një tifozi të ekipit të Partizanit të Beogradit, në vitin 2011.
Vidojeviç, është personi që shoqëronte djalin e presidentit në këtë takim dhe ka disa rekorde kriminale. Siç raportojnë mediat, këta persona kanë udhëtuar me një avion charter, ku gjendeshin edhe 2 ministra të qeverisë serbe.
