Xhani De Biazi takoi sot për herë të parë lojtarët e Kombëtares shqiptare që nga momenti kur ai u largua nga pankina kuqezi, vendim të cilin ata e kishin mësuar nëpërmjet SMS-ve të trajnerit në muajin qershor. Por ai u kthye sot përsëri në fushë mes kuqezinjve, për t’i përshëndetur nga afër.
Trajneri shkëmbeu përqafime e batuta me lojtarët, por nuk u mjaftua me kaq. Ai postoi në rrjetet sociale edhe një mesazh domethënëse kushtuar lojtarëve , disa prej të cilëve kanë qenë pjesë e rrugëtimit të tij pesëvjeçar në stolin kuqezi.
“Edhe pse nuk jam më trajneri juaj, unë jam dhe do të jem gjithmonë me ju. Forca Shqipëri”, ishte mesazhi i De Biazit që u drejtohej djemve të Kombëtares.
NDIQE LIVE "PANORAMA TV" © Panorama.al