Disa pjesë të ndryshme që mendohet të jenë nga trupi i aeroplanit të humbur ‘Malaysia Airlines’, janë gjetur në brigjet e ishullit Reunion, rreth 380 milje detare në brigjet e Madagaskarit.
Sipas televizionit amerikan “CNN”, përfaqësues të departamentit francez në Oqeanin Indian, janë duke verifikuar nëse pjesët e gjetura lidhen me zhdukjen e avionit ‘Malaysia Airlines 370’.
Fluturimi MH370 u zhduk pas ngritjes nga Kuala Lumpur, Malajzi, më 8 mars 2014.
Në këtë aksident ajror humbën 239 vetë. Trupat e tyre ende nuk janë gjetur ndërkohë që autoritetet po përpiqen të konfirmojnë nëse pjesët e avionit të gjetur këtë të mërkurë janë të avionit të humbur.
Aktualisht, ekspertët thonë se pjesët e gjetura të avionit, përputhem me ato të fluturimit MH370.
