Një dre “mi” për të cilin besohej se ishte zhdukur, është kapur nga kamerat kurth duke u ushqyer në një pyll vietnamez.
Fotografitë e kafshëve me madhësinë e lepurit, janë të parat të marra prej gati 30 vitesh pas shikimit të fundit të konfirmuar.
“Ne nuk e kishim ide se çfarë do të prisnim të filmonim nga kamerat kurth, kështu që u befasova kur kontrolluam kamerat dhe pamë fotografitë e “chevrotain” me krahë argjendi”, tha një shkencëtar dhe udhëheqës i ekipit të ekspeditës në Global Wildlife Conservation (GWC).
“Zbulimi është ende hapi i parë për të siguruar që ne nuk do t’i humbasim ato përsëri, dhe ne po lëvizim shpejt për të kuptuar se si mund t’i mbrojmë më mirë“, tha ai.
Pavarësisht nga emri, ata nuk janë as minj dhe as dre, por kafsha më e vogël thundrake në botë.
Shkencëtarët instaluan tre kurthe kamerash në një pyll ultësirë në Vietnamin jugor. Gjatë pesë muajve, ata kapën 275 foto të kafshës. Këto u klasifikuan si 72 ngjarje të ndara, pasi fotografitë e shumta të marra brenda hapësirës së një ore konsiderohen si një ngjarje. Të bujarizuar nga pamjet, studiuesit vendosën edhe 29 kamera të tjera në të njëjtën zonë dhe morën 1.881 fotografi të tjera.
Gjetjet, të raportuara në “Nature Ecology and Evolution”, kanë rritur thirrjet për veprim të shpejtë për të mbrojtur speciet e mbetura të këtij lloji.
“Ndalimi i gjarprit jo vetëm që mbron chevrotain, por edhe shumë lloje të tjera, duke përfshirë disa gjitarë dhe zogj që gjenden vetëm në ekoregionin e Madh të Annamitëve dhe janë të kërcënuar me zhdukje,” tha Andrew Tilker, anëtar i ekipit GWC.
NDIQE LIVE "PANORAMA TV" © Panorama.al
