Erion Veliaj ka zgjedhur që ditën e parë të punës në Bashkinë e Tiranës ta nisë duke shkuar me autobus.
Fotot e Veliajt që pret në stacion dhe merr autobusin e linjës së Tiranës së Re, janë shpërndarë në fanpage e ‘Çudira Shqiptare’.
Video e xhiruar me celular tregon kryebashkiakun e Tiranës që shoqërohet në këtë udhëtim nga Arbian Mazniku. Ky i fundit, është përfolur si një nga nënkryetarët e ardhshëm të Bashkisë Tiranë.
Në video duken ata të dy të cilët qëndrojnë në këmbë, ndërsa qytetarët e tjerë dhe fatorino janë krejt indiferentë.
“Sapo na erdhen ne inbox foto te kryetarit te bashkise Veliaj qe paska shkuar me autobus sot ne pune”,- shkruan faqja e ‘Çudira Shqiptare’.