Ministri i Jashtëm i Serbisë, Ivica Daçiç mori pjesë sot në takimin e Ministrave të Jashtëm të Rajonit, pesë ditë përpara se në vendin tonë të vijë kryeministri serb, Vuçiç.
Në këtë mbledhje Daçiç tha se Serbia ka kontribuar për stabilitetin në rajon si dhe po bën përpjeke për fqinjësi të mirë.
“Sa i përket perspektivave dhe rrugën tonë drejt BE, jam dakord me ju që janë arritur disa rezultate. Serbia ka kontribuar për stabilitetin në rajon, është duke bërë përpjekjet e saj për fqinjësi të mirë, përfshirë këtu edhe dialogun me Prishtinën. Kjo është parë me atë që kemi bërë në rrugën e BE-së”, tha ai.
Pas fjalimeve të para mbledhja vijoi me dyer të mbyllura, por rreth orës 10:30, Daçiç është parë të largohet nga mbledhja dhe të ulet në kafen e jashtme të Hotel Sheraton.
Duket se diplomati serb ka qene i painteresuar per ate pjese te takimit. rreth 45 minuta me vone ai eshte pare te futet serish ne mbledhje, pasi kishte konsumuar edhe kafen.
Në mbledhjen e sotme është vënë re edhe mungesa e ministrit të Jashtëm grek, Nikos Kotzias.
NDIQE LIVE "PANORAMA TV" © Panorama.al
