Diskutimet mbi dyshimet për përdorimin e një pajisje përgjimi nga Policia e Shtetit u kthye në debatin kryesor politik të javës së kaluar.
Në qendër të akuzave të opozitës ishte ministri i Brendshëm, Saimir Tahiri.
Gjatë seancës së sotme parlamentare, Tahiri është parë duke u treguar ministrave dhe deputetëve të mazhorancës një video që mbante në një nga telefonat e tij.
Ministri i Brendshëm përdor dy telefonë, një iPhone dhe një BlackBurry, që njihet si telefon që nuk mund të përgjohet.
Videoja ndodhej në telefonin Apple dhe ai ia tregon videon fillimisht ministres së Mbrojtjes, Mimi Kodheli.
Më pas shkon tek zv.kryeministri Niko Peleshi dhe ministrat Ditmir Bushati e Damian Gjiknuri.
Në fund, Tahiri videon ia tregon dhe deputetit Erjon Braçe.
Ndërkohë gjatë paradites së sotme, ministria e Brendshme publikoi një video ku Tahiri bashkë me Drejtorin e Policisë së Shtetit, Haki Çako i bënin surprizë një punonjësi të Policisë Rrugore në prag të pensionit.
