Arkimed Lushaj i njohur si Stresi është një ndër reperët më të suksesshëm në estradën muzikore.
Ai është shumë aktiv në rrjetet sociale, ku ndan me fansat momente nga jeta e tij personale.
Mirëpo nuk kanë qenë të rralla as “përleshjet” dhe ofendimet e tij në internet me artistët e tjerë.
Së fundmi, përmes një postimi në InstaStory i ka kërkuar falje familjes së tij për ofendimet që ai bën në rrjetet sociale.
“Jeta është tamam si një labirint, asnjëherë nuk e dimë se çfarë sfide apo pengese tjetër vjen më pas. Unë mendoj që kemi dy opsione: të marrin kontrollin pasi kemi dalë jashtë tij dhe e dyta i bie të mbijetosh nën presion. Kërkoj falje, nuk jam unë ai por koha tregon më së miri. I kërkoj falje familjes sime që janë bërë pjesë e internetit tashmë dhe pjesë e sharjeve.
Unë i kërkoj falje publikisht të gjithë atyre që i kam ofenduar familjen por kam qenë jashtë kontrollit sepse u bë një vit e gjysmë, mos më shumë, që vetëm ofendohen familjarët tanë nga njerëz që si duket i kanë bërë mirë llogaritë me veten e tyre dhe kur i dëgjoj këto gjëra, normalisht janë shpifje por çdo gjë ka një limit. Unë do e respektoj këtë gjë bindshëm, lërini familjet, shihemi personalisht një ditë. Edhe njëherë, ju kërkoj falje, për të tjerat, i di Zoti i madh”- ka shkruar Stresi.
